الملك محمد السادس في الدار البيضاء

نشر سفيات البحيري، مدير صفحة الملك محمد السادس، صورة جديدة للملك تجمعه بشاب و شابة بالبيضاء، و نشر البحيري  تفاصيل التقاط الصورة  كما رواها الشاب الذي ظهر بجانب الملك في إتصال مع سفيان البحري : ” كنت غادي في شارع 2 مارس أنا و خولة الخطيبة ديالي مع ديك  5 ديال لعشية ولاحظنا نشاط غير عادي والبوليس زربانين، قلت واقيلا الملك جا من الداخلة و كاين هنا !

و أضاف : ” واحد اللحظة كنشوف من المرايا ديال السيارة كيبانو ليا البوليس كيعطيو التحية صافي بقيت غادي بشويا وشاد ليمن ديالي، حتا تقابل معايا سيدنا شير لينا وبقيت تابعو كنطلبو باش نتصور معاه، وداكشي لي كان، سيدنا و بتواضع ديالو شير ليا بيدو باش نوقف، هو يوقف سيدنا بالطوموبيل جيت أنا قدامو، و نزلت كنجري أنا وخطيبتي لعندو و مشينا عندو وهو يقول لينا : السلام عليكم وقلنا لو عليكم السلام كيدير آ سيدنا لباس عليك ؟ جاوبنا: الحمد لله، قلت لو: عفاك بغينا ناخدو معاك صورة، سيدنا قال لينا: مرحبا و عيّط على الحارس الشخصي ديالو و قالو: آجي الله يخليك صورنا.